Żewġ kummissjonijiet ġodda maħtura mill-PN

Read in English.

Il-Kumitat Eżekuttiv tal-Partit Nazzjonalista lbieraħ approva l-ħatriet tal-Kummissjoni Elettorali, Data u Rekords u tal-Kummissjoni Etika, Dixxiplina u Midja Soċjali.

Fi stqarrija, il-PN spjega li dawn il-kummissjonijiet kienu approvati fuq proposta tal-Kunsill Amministrattiv.

Il-Kummissjoni Elettorali, Data u Rekords se tkun magħmula minn:

  • Gejtu Vella bħala Chairperson ta’ din il-Kummissjoni
  • Ivan Castillo bħala Viċi Chairperson ta’ din il-Kummissjoni u mill-membri;
  • Marion Portelli
  • George Cremona
  • Dr Danica Caruana

Intant, il-Kummissjoni Etika, Dixxiplina u Media Soċjali se tkun magħmula minn:

  • Profs. Joe Pirotta bħala Chairperson ta’ din il-Kummissjoni u l-membri;
  • Dr Roberta Bonello
  • Dr Jean Karl Soler
  • Dr Michael Laferla
  • Dr Arthur Galea Salomone

Kien spjegat li ż-żewġ Kummissjonijiet il-ġodda huma parti mir-riforma li nieda l-Partit Nazzjonalista fl-aħħar xhur, u joħorġu mill-istatut il-ġdid li ġie approvat fil-Kunsill Ġenerali tal-25 ta’ Ġunju li għadda.

Fl-istess laqgħa tal-Kumitat Eżekuttiv, Delia rċieva t-tieni vot ta’ sfiduċja tiegħu.