Xadini jmutu f’nirien f’zoo fil-Ġermanja

Zoo fil-Ġermanja nħakem minn nirien li wasslu biex inqatlu kważi x-xadini kollha.

Għall-ewwel Krefeld Zoo qal li l-annimali kollha nqatlu, imma aktar tard irrapporta li salvaw tnejn. L-inċident seħħ ftit wara nofsillejl.

In-nirien fiz-zoo, li hu kbir mal-2,000 metru kwadru, ġew ikkawżati minn fanali Ċiniżi li jintużaw bħala dekorazzjonijiet fl-Ewwel tas-Sena. Fil-Ġermanja dawn il-fanali huma meqjusa bħala periklu.

Kelliem għaz-zoo qal li kien “miraklu” li salvaw Bally u Limbo, li weġġgħu ftit u jarawhom il-veterinarji.