Waqa’ tliet filati fi blokka garaxxijiet: jittieħed Mater Dei

aċċident mutur San Ġiljan

Read in English.

Raġel ta’ 31 sena ġie ċċertifikat li qed isofri minn ġrieħi serji wara li waqa’ minn madwar tliet filati fi blokka ta’ garaxxijiet. L-inċident seħħ għall-ħabta tal-10:00pm il-bieraħ filgħaxija.

Skont stqarrija tal-Pulizija, l-inċident seħħ fi Triq il-Baltiku, San Ġiljan.

Il-Pulizija tad-Disrett marret immedjatament fuq il-post u minn investigazzjoni preliminari li saret, irriżulta li r-raġel li hu mill-Kolombja allegatament waqa’ għoli ta’ madwar tliet filati ġewwa blokka ta’ garaxxijiet.

Tim mediku issejjaħ immedjatament fuq il-post biex jagħti l-ewwel għajnuna. Hu ttieħed l-Isptar Mater Dei għall-kura meħtieġa.

Bil-każ ġiet infurmata l-Maġistrat tal-Għassa Dr. G. Vella LL.D li ħatret diversi esperti sabiex jassistuha fl-inkjesta li ġiet appuntata.

L-investigazzjoni tal-Pulizija dwar dan l-inċident għadha għaddejja.