Valletta 2018: Xow għat-tfal bil-pupazzi tad-dellijiet

Għada s-Sibt 24 ta’ Frar fis-6pm u l-Ħadd 25 ta’ Frar fl-4pm se tittella’ 'Años Luz', xow għat-tfal bil-pupazzi tad-dellijiet mill-kumpanija Spanjola tat-teatru tad-dellijiet Luz Micro y Punto, kumpanija li ħadmet b’mod estensiv fuq it-teatru tad-dellijiet biex toħloq kapulavuri viżwalment impressjonanti.
Din se ssir fl-Iskola Primarja tal-Imqabba, kif ukoll fiċ-Ċentru Parrokkjali Maria Lauretana f’Għajnsielem, Għawdex, fit-tmiem il-ġimgħa ta’ wara, s-Sibt 3 ta’ Marzu fis-6pm u l-Ħadd 4 ta’ Marzu fl-4pm.
L-istorja tittratta kompożitriċi li tkun fil-proċess li taħseb dwar il-kitba tal-biċċa xogħol mużikali li jmiss, u dan tiskoprih permezz ta’ proċess kreattiv divertenti.
Años Luz jinkludi wkoll workshop ta’ erbat ijiem ma’ artisti, li se jittella’ fi Spazju Kreattiv mis-26 ta’ Frar sal-1 ta’ Marzu. Din hija l-ewwel attività mill-programm ta’ Valletta 2018 għat-Tfal u ż-Żgħażagħ.
Años Luz hija addattata għal tfal minn erba’ snin ’il fuq. Biljetti li jiswew €5 għall-Imqabba huma disponibbli minn valletta2018.org.
Għal aktar stejjer dwar it-tfal, żur Newsbook.com.mt/Tfal