Torta tal-lampun (raspberries)

Ritratt: Maria Pace

Riċetta ta’ Maria Pace

Ingredjenti

Għall-bażi

2 mgħaref coconut oil

16 tamar (dates) bla għadam

270g ġewż

2 mgħaref għasel

nitfa melħ

Għall-mili

240g cashew nuts. Ħalluhon jixxarrbu fl-ilma matul il-lejl

2 mgħaref għasel

2 kuċċarini  essenza tal-vanilla

2 mgħaref meraq tal-lumi

250g lampuni (tistgħu tużaw tal-friża)

 2mgħaref frak tal-coconut

Metodu

Għall-bażi ħallat l-ingredienti kollha f’mixer sakemm jagħqad kollox f’daqqa u ifrex f’taġen. Kif tlesti daħħal fil-freezer għal 30 minuta.

Għall-mili itfa’ l-ingredjenti kollha f’mixer iżda ħalli erba’ lampuni biex iżzejjen. Ħallat sakemm tifforma krema.

Oħroġ il-bażi mill-friża u poġġi l-mili fiha.

Ħalliha toqgħod għal siegħa fil-friġġ u żejjen bil-kumplament tal-lampuni u l-coconut.