Read in English.
Illum kompliet tinstema l-kumpilazzjoni tax-xhieda fl-inkjesta pubblika dwar l-assassinju tal-ġurnalista Daphne Caruana Galizia. Ix-xhud ewlieni tal-lum kien il-ġurnalist Għawdxi Victor Paul Borg.
Xi spikka fis-smigħ tal-lum?
- Borg qal li waħda mir-raġunijiet li daħal iktar fil-ġurnaliżmu investigattiv kien wara l-qtil ta’ Caruana Galizia.
- Borg qal li jiġri li meta ma jkunx hemm investigazzjonijiet dwar affarijiet li jsibu l-ġurnalisti, jispiċċa l-ġurnalist waħdu jinvestiga. Qal li mbagħad, wieħed kull ma jkollu jelimina biex iwaqqaf investigazzjoni huwa l-ġurnalist.
- Hu rrimarka li l-ħajja ta’ ġurnalist hija diffiċli għax hemm riskju li wieħed ikun iżolat, jinqatalu l-aċċess, bilkemm jitħallas.
- Qal li Daphne Caruana Galizia qatt ma lmentat miegħu dwar li kienet tinsab f’periklu.
Grazzi talli segwejtuna.
Is-smigħ tal-lum jintemm hawn.
Nhar il-Ġimgħa se jkun qed jixhed Kurt Farrugia. Intant, David Casa se jkun qed jixhed fit-22 Lulju.
Jidher li hemm ġurnalista minn Reporters Without Borders li tixtieq tixhed fl-inkjesta pubblika. Hi se tkun qed tixhed fl-24 ta' Lulju.
Ix-xhieda mistennija tkompli tinstema' nhar il-Ġimgħa fid-9.30am. Jidher li Evarist Bartolo ma jistax jiġi jixhed il-Ġimgħa.
Ix-xhieda tiegħu tintemm hawn.
Borg qal li hu għandu rakkomandazzjonijiet x'jagħmel min-naħa tiegħu biex il-ġurnalisti jkunu protetti b'mod aktar attivi.
Ix-xhieda ta' Borg waslet biex tintemm. Hu jintalab jibgħat ix-xhieda tiegħu nil-miktub taħt ġurament.
Lofaro staqsiet jekk hu kienx jaf lill-ġurnalista u jekk hu kienx jaf li qed tiġi mhedda. Hu qal li bejn l-2012 u l-2013 kien bagħtilha xi artikli.
Lofaro staqsiet jekk huma kinux jiddiskutu s-sitwazzjoni tas-sigurtà tagħha u jekk qattx ilmentat fuq xi ħaġa miegħu. Borg qal li hi qatt ma lmentat miegħu dwar dan. Qal li kienet ġieli tilmenta miegħu fuq politikanti.
Lofaro staqsiet jekk huma kinux jiddiskutu s-sitwazzjoni tas-sigurtà tagħha u jekk qattx ilmentat fuq xi ħaġa miegħu. Borg qal li hi qatt ma lmentat miegħu dwar dan. Qal li kienet ġieli tilmenta miegħu fuq politikanti.
Bħalissa qed jiddiskuta jekk ix-xhieda għandhiex tingħata bil-magħluq jew le. Il-bord jidher li mhux qed taqbel li dan isir bil-magħluq ladarba din inkjesta pubblika. Il-bord talab li Borg jibgħat dak li jixtieq jgħid bil-miktub minflok u b'hekk dak li jgħid ma jinkixifx.
Hu qal li jixtieq jixhed bil-magħluq. Il-bord staqsa għaliex dan u hu spjega li jrid jitkellem fuq kwistjonijiet ta' sigurtà fuqu li ma riedx jixhed fil-miftuħ.
Borg qal li dak li kien jiġri lil Daphne Caruana Galizia fil-passat, illum il-ġurnata qed jiġri lilu. Qal li hu qed jiġi injorat anke mill-midja lokali, qal li l-midja partiġġjana qed tattakkah.
L-Imħallef Emeritu Michael Mallia staqsa jekk hu għandux fatti konkreti x'jippreżenta fil-Qorti llum.
Borg qal li meta ġurnalist jispiċċa waħdu, mbagħad wieħed kemm jelimina persuna waħda. Qal li jekk l-inkjesta qed tħares dwar x'jista' jagħmel l-istat biex isaħħaħ il-ġurnaliżmu, mela hemm bżonn li wieħed iħares u jikkunsidra d-diffikultajiet tagħhom.
Hu rrimarka li l-ħajja ta' ġurnalist hija diffiċli għax hemm riskju li wieħed ikun iżolat, jinqatalu l-aċċess, bilkemm jitħallas.
Aktar minn darba l-bord tal-inkjesta insistiet li dak li qed jgħid Bord mhux skapitu tal-inkjesta.
Borg kien se jibda jitkellem dwar kemm bħala ġurnalist ma jitħallasx.
Borg kien se jibda jitkellem dwar kemm bħala ġurnalist ma jitħallasx.
Hu tkellem dwar każ ieħor fejn il-kelliem għall-Prim Ministru talbu jżomm milli jippubblika artiklu għal xi jiem. Il-kelliem qallu li jekk jippubblika l-artiklu fil-futur kien se jibda jinjora l-mistoqsijiet tiegħu.
Borg qal li jiġri li meta ma jkunx hemm investigazzjonijiet dwar affarijiet li jsibu l-ġurnalisti, jispiċċa l-ġurnalist waħdu jinvestiga. Qal li mbagħad, wieħed kull ma jkollu jelimina biex iwaqqaf investigazzjoni huwa l-ġurnalist.
Il-bord ifakkar li mhux kompitu tal-bord li jinvestiga l-atti tal-Awtorità tal-Ippjanar.
Borg qal li hu se jitkellem fuq l-investigazzjonijiet li mhux qed isiru issa. Sostna li xtaq jibda minn investigazzjoni tiegħu dwar propjetà. Hu sab li kien hemm dikjarazzjonijiet foloz tal-ewwel sid tal-art.
Hu qal li bħala ġurnalist kien staqsa dwar dan. Hu qal li r-rispost li kienet tiġi lura mill-Awtorità tal-Ippjanar kienet tgħid li l-Awtorità qatt ma rċeviet l-ebda asserzjoni li tipprova dak li kien qed jgħid hu.
Hu qal li bħala ġurnalist kien staqsa dwar dan. Hu qal li r-rispost li kienet tiġi lura mill-Awtorità tal-Ippjanar kienet tgħid li l-Awtorità qatt ma rċeviet l-ebda asserzjoni li tipprova dak li kien qed jgħid hu.
Il-bord staqsa għal informazzjoni personali ta' Borg.
Hu qal li beda jagħmel xogħol ta' ġurnalista ta' 18-il sena, għamel żmien jaħdem Malta u 17-il sena barra minn Malta wkoll. Ħadem l-Ingilterra, l-Awstralja, t-Tajlandja u ċ-Ċina. Qal li kien jaħdem freelance u kellu xogħol tiegħu ppubblikat madwar id-dinja.
Spjega li ħames snin ilu ġie lura Malta u fl-2017 reġa' beda jagħmel il-ġurnaliżmu Malta. Qal li waħda mir-raġunijiet li daħal iktar fil-ġurnaliżmu investigattiv kien wara l-qtil ta' Caruana Galizia.
Hu qal li beda jagħmel xogħol ta' ġurnalista ta' 18-il sena, għamel żmien jaħdem Malta u 17-il sena barra minn Malta wkoll. Ħadem l-Ingilterra, l-Awstralja, t-Tajlandja u ċ-Ċina. Qal li kien jaħdem freelance u kellu xogħol tiegħu ppubblikat madwar id-dinja.
Spjega li ħames snin ilu ġie lura Malta u fl-2017 reġa' beda jagħmel il-ġurnaliżmu Malta. Qal li waħda mir-raġunijiet li daħal iktar fil-ġurnaliżmu investigattiv kien wara l-qtil ta' Caruana Galizia.
Jintalab jibda jixhed Victor Paul Borg.
Dr Caruana Galizia jitlob skuża għan-nuqqas ta' preżenza tal-avukati Therese Comodini Cachia u Jason Azzopardi fl-awla llum.
Kien spjegat li daħal affidavid mill-Ministru Owen Bonnici li qal li fiż-żmien meta hu kien jokkupa l-Ministeru ma daħal l-ebda dokument dwar Nexia BT.
Il-Bord ta' Inkjesta tidħol fl-awla.
Jasal fl-awla wieħed mix-xhieda tal-lum, il-ġurnalist Għawdxi Victor Paul Borg.
L-inkjesta pubblika qed issir bil-għan li jkun stabbilit jekk il-gvern setgħax jaġixxi b'tali mod differenti sabiex jevita l-assassinju tal-ġurnalista Daphne Caruana Galizia.
Il-Bord tal-Inkjesta hu mmexxi mill-Imħallef Emeritu Michael Mallia u magħmul mill-Prim Imħallef Emeritu Joseph Said Pullicino u l-Imħallef Abigail Lofaro.
Preżenti fl-awla hawn oħt il-ġurnalista assassinata Corinne Vella u r-raġel tal-ġurnalista l-avukat Peter Caruana Galizia.
Il-ġurnata t-tajba. Newsbook.com.mt jinsab live minn awla 20 fejn se tkompla tinstema x-xhieda dwar l-assassinju tal-ġurnalista Daphne Caruana Galizia.
Fl-aħħar seduta li saret il-ġimgħa li għaddiet, kompla jixhed Ian Abdilla. Abdilla huwa Assistent Kummissarju tal-Pulizija. Huwa tneħħa minn Kap tat-Taqsima tar-Reati Ekonomiċi fil-ġimgħat li għaddew, meta l-Kummissarju l-ġdid Angelo Gafà ħatar lil Alexandra Mamo minfloku.
Il-Bord tal-Inkjesta hu mmexxi mill-Imħallef Emeritu Michael Mallia u magħmul mill-Prim Imħallef Emeritu Joseph Said Pullicino u l-Imħallef Abigail Lofaro.
Xi spikka fl-aħħar seduta?
- “Kellek l-evidenza taħt imnieħrek u injorajtha” – L-Imħallef Emeritu Mallia lil Ian Abdilla fuq il-Bank Pilatus u Egrant
- Il-Kummissarju qal lil Abdilla biex ma jmurx il-Kwartieri minnufih meta Ali Sadr kien ħiereġ mill-Bank Pilatus; hu kellu ikla l-Imġarr
- Il-pulizija ngħataw parir legali biex ma jintervjenux meta Ali Sadr ħareġ mill-Bank Pilatus bil-bagalji
- Abdilla kien talab il-parir ta’ ħafna maġistrati jekk kellux biżżejjed evidenza biex jinvestiga Egrant
- Ma qisnihiex suspettuża li Brian Tonna jagħti isem sid Egrant lil Mossack Fonseca minn fuq Skype – Abdilla
- It-Taqsima tar-Reati Ekonomiċi ma bdiet l-ebda investigazzjoni minħabba xi ħaġa li kitbet Daphne
