Read in English.
Dalgħodu kompliet l-inkjesta pubblika fuq l-assassinju tal-ġurnalista Daphne Caruana Galizia, li qed tara jekk kienx hemm nuqqas min-naħa tal-istat u l-istituzzjonijiet tiegħu illi kieku ma sarx, il-qtil tal-ġurnalista seta’ jkun evitat. Illum xehed Dr Arthur Azzopardi, li kien ir-rappreżentant legali ta’ Vince Muscat, il-Koħħu.
Xi spikka mix-xhieda ta’ Dr Arthur Azzopardi?
- Il-Pulizija riedet tagħti l-Maħfra Presidenzjali lill-Koħħu
- Daphne ma nqatlitx dwar dak li żvelat, imma dwar dak li kienet għadha ma ppubblikatx
- Il-Koħħu kien inkwetat li ħajtu kienet f’riskju għax iddeċieda li jikkopera mal-Pulizija
Is-seduta li jmiss se tkun nhar l-Erbgħa 8 ta' Lulju fid-9.30am. Grazzi talli segwejtu dan il-blogg. Il-ġurnata t-tajba.
Dr Arthur Azzopardi se jkompli jixhed wara bibien magħluqa.
Azzopardi qal li l-Pulizija riedet tagħti l-maħfra presidenzjali lill-Koħħu għax fi kliemu kien jimmeritaha.
L-Avukat Jason Azzopardi qed jistaqsi meta l-Koħħu semma lil Melvin Theuma mal-Pulizija.
"Fl-24 ta' April 2018. Kien ċarissimu li Theuma kien qed jaġixxi f'isem ħaddieħor", wieġeb Dr Azzopardi.
"Fl-24 ta' April 2018. Kien ċarissimu li Theuma kien qed jaġixxi f'isem ħaddieħor", wieġeb Dr Azzopardi.
Żied jgħid li hu minn dejjem kien konxju li Daphne ġiet assassinata mhux dwar dak li kien ġie żvelat imma dwar dak li kienet għadha ma ppubblikatx.
Dr Azzopardi żied jgħid li min ried jagħmel konnessjoni seta' jagħmel dan.
"Il-Pulizija kienu konxji bl-isem ta' Melvin Theuma u li kien hemm rabtiet ma' Yorgen Fenech u l-qtil, f'April 2018" – Dr Arthur Azzopardi
Dr Arthur Azzopardi qed jgħid li l-każ kien qed jaffettwa lil saħħtu b'mod negattiv.
Azzopardi qal ukoll li t-theddid fuq il-ħajja ta' Vince Muscat intensifika, madanakollu ma kinux jafu minn fejn kien ġej u min kien warajh.
Dr Arthur Azzopardi qal li "kien grazzi għall-Ispettur Keith Arnaud li l-Pulizija żiedet in-numru ta' patrols fiz-zona fejn tgħix il-familja tiegħu".
Azzopardi qed jgħid li hu talab protezzjoni għal Vince Muscat u l-familja tiegħu, imma li l-eks Kummissarju tal-Pulizija qalilhom li jekk jagħmlu dan, ikunu jafu li Vince Muscat kien il-persuna li qed tagħti dettalji dwar l-assassinju.
Azzopardi xehed li Vince Muscat kien inkwetat ukoll għax kien jaf li waħda minn uliedu kienet fil-mira, "kien jaf li riedu jitfgħulha l-aċtu".
Fil-Faċilità Korrettiva ta' Kordin, il-Koħħu ma kienx jiekol l-ikel li jingħatalu, u meta kien jiekol kien jaqsmu ma' ħabsin oħra. Kien jiekol biss l-ikel li jasallu minn qrabatu, spjega Dr Azzopardi.
"Il-Koħħu kien inkwetat li ħajtu kienet fir-riskju ladarba ddeċieda li jikkopera mal-Pulizija", żied jgħid Azzopardi.
Jiftakar ukoll laqgħa fid-Depot tal-Pulizija ma' Silvio Valletta, u li għaliha kien hemm preżenti wkoll l-Ispettur Arnaud. Dr Azzopardi jgħid li Valletta kien qalilhom li jridu jiċċekkjaw u jikkonfermaw dettalji dwar leaks fuq l-assassinju.
"L-Ispettur Arnaud kien sorpriż", qal Dr Azzopardi.
"L-Ispettur Arnaud kien sorpriż", qal Dr Azzopardi.
L-Avukat Azzopardi jsemmi laqgħa partikolari li saret fl-2018 bejn l-Eks Kummissarju tal-Pulizija Lawrence Cutajar, l-eks Prim Ministru Joseph Muscat u Keith Schembri li kien iċ-Chief of Staff ta' Muscat. F'din il-laqgħa Muscat feraħ lill-Pulizija dwar l-investigazzjonijiet. Azzopardi qal li l-Ispettur Keith Arnaud kien infurmah b'dan.
Arthur Azzopardi jgħid li Vince Muscat ried jikkollabora mal-Pulizija dwar l-assassinju ta' Daphne.
Dr Azzopardi stqarr li Vince Muscat kien talbu biex jispjegalu x'inhi maħfra presidenzjali u jekk tistax tingħatalu (lil Koħħu). Żied jgħid li hu kien iżuru regolarment fil-Faċilità Korrettiva ta' Kordin.
Parti mix-xhieda tiegħu se tinstema' b'bibien magħluqa.
Dr Azzopardi staqsa jekk hu jistax jixhed fl-inkjesta pubblika dwar Daphne. Huwa kien ir-rappreżentant Legali ta' Vince Muscat, "Il-Koħħu".
Il-Bord tal-Inkjesta hu mmexxi mill-Prim Imħallef Emeritu Michael Mallia u magħmul mill-Prim Imħallef Emeritu Joseph Said Pullicino u l-Imħallef Abigail Lofaro.
Jitla' jixhed Dr Arthur Azzopardi.
Bonġu u nilqgħukom għal dan il-blogg live.
Xi spikka fl-aħħar seduta?
- L-Assistent Kummissarju Ian Abdilla qal li l-Pulizija għamlet waħda mill-aħjar investigazzjonijiet b’rabta mal-Bank Pilatus.
- Ian Abdilla insista li t-Taqsima tar-Reati Ekonomiċi ma tistax tagħlaq il-banek kull darba li tirċievi rapporti suspettużi.
- It-Taqsima tar-Reati Kriminali ma investigatx dak li ħareġ fil-Panama Papers. Il-Bord ta’ Inkjesta jgħid: “Kif inhu possibbli? Dan mhux aċċettabbli.”
- Ian Abdilla jgħid li l-blogg tal-ġurnalista Daphne Caruana Galizia kien użat bħala sors mill-Pulizija għal ċerti investigazzjonijiet.
- Ian Abdilla qal li l-investigazzjonijiet dwar allegat ksur ta’ ġurament minn Karl Cini tan-Nexia BT dalwaqt jaslu fi tmiemhom. Hemm ċans li m’hemm l-ebda każ ta’ ksur.
- Joħroġ li l-ECU kienet intalbet mill-Avukat Ġenerali sabiex tieħu l-investigazzjonijiet madwar il-Panama Papers bil-kalma għax setgħu jikkawżaw problemi kbar lill-pajjiż.
