Titnaqqas il-paga għall-plejers ta’ Bayern u Borussia

MUNICH, GERMANY - MAY 18: Arjen Robben, Rafinha and Franck Ribéry of FC Bayern München lift the title trophy in celebration following the Bundesliga match between FC Bayern München and Eintracht Frankfurt at Allianz Arena on May 18, 2019 in Munich, Germany. (Photo by Sebastian Widmann/Bundesliga/DFL via Getty Images )

Il-plejers u d-diretturi ta’ Bayern Munich u ta’ Borussia Dortmund qablu li titnaqsilhom il-paga b’mod temporanju. Iż-żewġ ġganti tal-futbol Ġermaniż qalu li din il-mossa saret biex tgħin lill-impjegati l-oħra tal-klabb b’mod finanzjarju fiż-żmien ta’ kriżi minħabba l-coronavirus.

Plejers ta’ Union Berlin, li qegħdin fil-11-il post tal-Bundesliga, ħabbru li mhux se jkunu qed jieħdu paga għalissa. Il-ġimgħa l-oħra, il-plejers ta’ Borussia Monchengladbach kienu minn tal-ewwel biex iwaqqfu perjodikament il-paga tagħhom.

Ilu ma jintlagħab logħob mill-Bundesliga sa mit-8 ta’ Marzu minħabba l-epidemija tal-coronavirus. Din l-epidemija laqtet lix-xena tal-isport madwar id-dinja.