Titħabbar il-mewt ta’ “Terry tal-Bay u tal-Vibe”

Read in English.

Tħabbret il-mewt tal-preżentatur tar-radju magħruf Terry Farrugia.

Kmieni din is-sena kien sar appell għall-pubbliku biex jiġbru l-flus għat-trattamenti tiegħu wara li marad bil-kanċer.

Fuq websajt li ttellgħet apposta għalih www.terrytime.org, ġiet spjegata l-istorja ta’ Terry. Hu beda l-karriera tiegħu fil-bidu tad-disgħinijiet mal-Island Sound Radio bil-programm tiegħu Terry Time. Hu mbagħad beda jaħdem ma’ Bay Radio u wara ma’ Vibe FM. Hu ilu jmexxi l-istazzjon Vibe FM mill-2009.

“Terry tal-Bay u tal-Vibe” fi bżonn ta’ €500,000 biex ifiq mill-kanċer

With deep grief we would like to announce that Terry passed away this morning. Details of funeral will be announced when they are made available.

Posted by Terry Time Trust on Friday, May 31, 2019

F’April tal-2016, Terry sar jaf li marad bl-Acute Myeloid Leukaemia (AML). Mad-dijanjosi hu ttieħed l-isptar u ngħata l-kimoterapija. Minkejja dan, wara sena, Terry u familtu rċevew l-aħbar li l-marda reġgħet lura u kellu bżonn trattament aktar aggressiv u bżonn ta’ trapjant tal-mudullun. Minħabba li ma sabx donatur adult, l-għażla li jmiss kienet li jagħmel trapjant li jista’ jsir biss fir-Renju Unit.

Terry għamel dan it-trapjant f’Marzu tal-2018. L-ewwel testijiet indikaw li kien ta’ suċċess, madanakollu testijiet oħrajn urew li kien hemm ċelloli żgħar tal-marda li reġgħu rritornaw. Ftit wara ġie kkonfermat li Terry reġa’ kellu l-kanċer. It-tobba ddeċidew li jfittxu tip ta’ mediċina differenti u Terry qaleb għall-aħjar.

Iżda erba’ xhur wara reġa’ tfaċċa. Immedjatament bdiet it-tfittxija għall-kura mill-ġdid u nstab trattament li qed jaħdem fuqu ċentru fi Houston f’Texas. Il-fondi li kienu qed jinġabru kienu biex Terry ikun jista’ jmur sal-Istati Uniti u jirċievi t-trattament.

Audio: “Always smiling, even during treatment” – JD Patrick