Tintlemaħ tromba fit-Tramuntana ta’ Malta

It-Temp Madwarna / Facebook

Lejn in-naħa ta’ fuq ta’ Malta dalgħodu ntlemħet tromba, issa li tmiem il-ġimgħa mistenni jġib miegħu x-xita, minkejja kemm qorob is-sajf.

Il-paġna It-Temp Madwarna xerrdet ritratt li nġibed dalgħodu qrib il-bajja tal-Ġnejna fl-Imġarr, li juri tromba ffurmata qalb ħafna sħab griż.

Għalkemm illum it-temp mistenni jkun fil-maġġorparti xemxi, għada mistennija tagħmel ix-xita.

Jumejn ilu wkoll għamlet tromba, qawwija tant li rnexxielha taqleb karavan fl-Armier.