Tiġieġ il-forn biż-żebbuġ

Tigieg-Zebbug

Ingredjenti             

6 mgħaref żejt taż-żebbuġa

kilo u nofs tiġieġ (sdieri u koxox)

200g żebbuġ iswed sħiħ

6 sinniet tewm mqattgħin irqaq ħafna

24 werqa tas-salvja

kikkra nbid abjad

melħ u bżar mitħun frisk

Metodu

Idlek dixx tal-forn bil-butir.

Aħsel it-tiġieġ neħħilhom il-ġilda u x-xaħam.

Saħħan iż-żejt f’taġen kbir u żid it-tiġieġ.

Sajjar it-tiġieġ fuq nar għoli għal 10 minuti sakemm tara li ħadu kulur kannella ċar.

Baxxi n-nar u żid it-tewm. Kompli sajjar għal 5 minuti.

Żid iż-żebbuġ u s-salvja, ħawwad tajjeb u sajjar għal 2 minuti.

Ferragħ l-inbid, ħawwar bil-melħ u l-bżar u ħawwad. Niżżel minn fuq in-nar u poġġi t-taħlita fid-dixx u għattiha.

Sajjar fil-forn għal 50 minuta jew sakemm tara li saret tajjeb.