Tiġieġ bit-tewm

Ingredjenti

40g ġobon maħkuk

5 mgħaref mayonnaise

2 irjus tat-tewm mgħaffġa

qoxra ta’ lumija maħkuka

nofs kuċċarina ħwawar nixfin (dried herbs)

50g frak tal-ħobż tal-pakkett

2 isdra tat-tiġieġ imnaddfa

bżar u melħ

Metodu

Saħħan il-forn għal 200˚Ċ, gas 6.

F’dixx ħallat flimkien il-ġobon, il-mayonnaise, il-qoxra maħkuka tal-lumija, it-tewm, il-ħwawar nixfin u l-bżar u l-melħ.

F’dixx ieħor poġġi l-frak tal-ħobż.

Aqbad sider wieħed wieħed u poġġihom fit-taħlita tal-mayonnaise. Ara li tkun ixxuttajthom sew biex jinksew aħjar. Poġġihom fuq il-frak tal-ħobż u agħfashom fuqu. Dawwarhom biex jinksew tajjeb.

Daħħal fil-forn għal madwar nofs siegħa sakemm jieħdu kulur dehbi u jkunu saru sew.

Servi mal-patata u l-ħxejjex li tiggosta.