Terremot ieħor fil-Kroazja f’temp ta’ jumejn

Aġġornat 10:24 PM
Earthquake Croatia
Debris are seen on a street following an earthquake, in Zagreb, Croatia March 22, 2020. REUTERS/Antonio Bronic

Read in English.

Il-belt Petrinja fil-Kroazja ntlaqtet minn terremot li qatel lil tifla ta’ 12-il sena u ħames persuni oħra mill-belt Glina. Ħafna persuni ndarbu b’dan it-terremot ta’ qawwa 6.4.

It-terremot inħass mill-belt kapitali tal-Kroazja, Żagreb. Skont Reuters, it-theżżiż seta’ saħansitra jinħass mis-Serbja u mill-Bożnija-Ħerzegovina.

Ir-rapporti jgħidu li fost il-binjiet li ġġarrfu bit-terremot, hemm sptar.

Is-Sindku ta’ Petrinja, Darinko Dumbovic, għadda messaġġ fuq it-televixin li fih qal li nofs il-belt m’għadhiex teżisti, għax inqerdet. Hu appella għall-għajnuna.

Ilbieraħ stess, kien hemm terremot ieħor fiċ-ċentru tal-Kroazja ta’ qawwa 5.2. F’Marzu wkoll kien hemm terremot fil-belt kapitali tal-Kroazja.