Tal-Protezzjoni Ċivili jsalvaw ħajjet kelb fl-ewwel jum tas-sena

Chanel Evans / Facebook

Id-Dipartiment tal-Protezzjoni Ċivili lbieraħ salva ħajjet kelb fil-Mellieħa.

Mara kitbet fuq Facebook sabiex tesprimi l-gratitudni tagħha lejn il-ħaddiema tal-Protezzjoni Ċivili li rnexxielhom isalvaw il-ħajja ta’ kelb li waqa’ f’gandott fond propju fl-ewwel jum tas-sena.

Hija kkummentat li dik li setgħet kienet traġedja nbidlet f’miraklu.

Dawn il-ħaddiema sikwit ikollhom xi biċċa xogħol bħal din meta jkun hemm xi annimali li jisfaw fil-periklu.