Southgate jinsab ottimist qabel l-ewwel logħba tal-Ingilterra

Gareth Southgate stqarr li jinsab kuntent bit-taħriġ tal-iskwadra tiegħu għal-kampjonat tat-Tazza tad-Dinja. It-tim Ingliż huwa mistenni li jivvjaġġa lejn ir-Russa nhar it-Tlieta, bl-ewwel logħba tkun kontra t- Tuneżija nhar it-Tnejn 18 ta’ Ġunju fil-Volgograd Arena. Dan huwa l-ewwel turnew għall-eks kowċ ta’ Middlesbrough F.C u s’issa wera li jaf jieħu deċiżjonijiet iebsin billi ħalla barra plejers, bħal Jack Wilshere u Joe Hart, li kellhom rwol importanti f’kompetizzjonijiet preċedenti. L-Ingliżi jgawdu min-numru ta’ plejers żgħażagħ fl-iskwadra tagħhom u l-partitarji qed jittamaw li dawn jistgħu juru l-istess wirjiet li jkollhom mal-klabb tagħhom fuq livell internazzjonali. Jista’ Southgate jwassal lill-Ingilterra għar-rebħ filwaqt li jevita falliment ieħor fit-Tazza tad-Dinja?