Sitt karrozzi nqerdu f’nar f’San Pawl il-Baħar

Tliet vetturi nqerdu għalkollox waqt li tlieta oħra ġarrbu ħsarat konsiderevoli f’nar li ħakem Triq Jean La Cassiere f’San Pawl il-Baħar.

Id-Dipartiment tal-Protezzjoni Ċivili flimkien mal-Pulizija ssejħu fuq il-post għal ħabta tan-12.30am.

Fortunatament ħadd ma weġġa’ u l-pumpiera tal-Protezzjoni Ċivili ħadu madwar sagħtejn biex ikkontrollaw in-nar.

Bil-każ ġiet infurmata l-Maġistrat tal-Għassa Marcen Farrugia li ħatret diversi esperti sabiex jassistuha fl-inkjesta.