Skoċċiż ammetta li għamel il-ħsara lil bini governattiv Malti meta kien fis-sakra.
Iż-żagħżugħ ta’ 22 sena deher quddiem il-Maġistrat Monica Vella dalgħodu, taħt l-akkużi li għamel il-ħsara lil bieb tal-injam u kisser ħġieġa fl-Uffiċċju tal-Istatistika Nazzjonali fil-Belt Valletta.
Dan ġara fil-31 ta’ Lulju fl-4am.
Huwa ġie akkużat ukoll li tellef il-paċi pubblika meta kien fis-sakra, u li ma kienx kapaċi jieħu ħsieb tiegħu nnifsu fil-pubbliku.
L-avukat tal-akkużat qal li l-akkużat huwa ħati, u assigura l-Qorti li l-ispejjeż tal-ħsarat se jkunu koperti kollha.
L-Iskoċċiż ngħata sentenza ta’ 6 xhur ħabs, sospiżi għal 3 snin, u ordnawlu li jħallas €1,360 għall-ħsarat li għamel.
