Ross moqli bl-ikkapuljat taċ-ċanga u ħaxix

Ingredjenti

450g kapuljat taċ-ċanga

2 kuċċarini tewm mgħaffeġ

ponta ta’ kuċċarina trab tal-ġinġer

1 bżaru aħmar imqatta’ f’biċċiet għat-tul

150g piżelli

390g ross imsajjar

3 mgħaref soy sauce

2 kuċċarini żejt

30g basal imqatta’ fin

Metodu

Saħħan taġen fuq nar bati bi ftit żejt. Żid l-ikkapuljat, it-tewm u l-ġinġer. Sajjar għal madwar 8-10 minuti, tħawwad kultant. Saffi miż-żejt u ħalli fil-ġenb.

Fl-istess taġen saħħan 2 mgħaref ilma. Żid il-bżaru aħmar u l-piżelli u sajjar għal 3 minuti sakemm isir il-bżaru. Wara żid ir-ross u s-soy sauce.

Itfa’ l-ikkapuljat u meta l-laħam jisħon żid il-basal sakemm dan isir.

Servi sħun.