Ritratti: Paceville baħħ f’San Patrizju

St Patricks Paceville St Julians coronavirus
Miguela Xuereb

Illejla f’San Ġiljan bilkemm hemm ruħ, minkejja li hu Jum San Patrizju, ġurnata li normalment tara lil bosta Maltin jerħulha lejn Paceville.

Il-Gvern ilbieraħ ħabbar miżura ġdida, li minn nofsillejl illum, il-bars, ristoranti u gyms kollha se jinżammu magħluqin minħabba l-imxija tal-coronavirus.

Dan wara li l-ġimgħa li għaddiet, il-Gvern ħabbar miżura oħra li m’għandhomx isiru attivitajiet tal-massa. Dan kien wassal lill-Kunsill Lokali ta’ San Ġiljan biex jgħid li ma huma se jinħarġu l-ebda permessi għal attivitajiet f’Jum San Patrizju.

S’issa f’Malta hawn 38 każ tal-coronavirus. L-iżgħar vittma għandu 3 snin. Irkupraw żewġ persuni, li t-testijiet tagħhom irriżultaw fin-negattiv darbtejn.

Jekk tixtieq tkun minn tal-ewwel li tirċievi l-aħħar aħbarijiet dwar il-coronavirus f’Malta, niżżel l-APP ta’ Newsbook minn hawn