Ritratti: Sorpriża ħelwa f’Wied il-Għajn

Sorpriża Wied il-Għajn fkieren

Normalment nisimgħu bihom li qed imutu, jew qegħdin f’periklu, imma Beverley Baldacchino llum kellha storja pożittiva x’tirrakkonta fuq il-fkieren.

Waqt dawra bid-dgħajsa, Beverley ġiet wiċċ imb wiċċ ma’ fekruna tgħum f’wiċċ il-baħar. Il-fekruna ma tgerrxitx meta d-dgħajsa qorbot lejha, saħansitra ħalliet lil Beverley u sħabha jmissuha!

Beverley qalet ma’ Newsbook.com.mt  li ġieli ltaqgħu ma’ fkieren b’dal-mod, iżda normalment dawn jitgerrxu u jinżlu ‘l isfel. Din donnha li għoġbitha l-attenzjoni, għax baqgħet iddur mad-dgħajsa.

Il-fekruna ntlemħet madwar 20 mil ‘il barra mix-xatt ta’ Wied il-Għajn. “Kienet esperjenza tal-ġenn!” qalet Beverley.