Ritratti: 12-il minuri fost persuni salvat mill-għarqa viċin il-Libja

Twitter

Read in English.

Ħidma ta’ tiftix u salvataġġ tal-NGO Mediterranea Saving Humans u SOS Mediterranee wasslet sabiex jiġu salvati 50 persuni minn dgħajsa li kienet f’risku li tgħereq. Abbord kien hemm 12-il minuri u mara tqila.

Fi tweet ġie spjegat li dawn il-persuni ġew salvati minn dgħajsa f’ibħra internazzjonali ‘l barra mil-kosta Libjana. Jidher li l-ħidma ta’ salvataġġ ħadet mat-tliet sigħat biex tintemm.

L-għaqdiet qalu li issa l-persuni kollha salvati jinsabu abbord il-bastiment tat-tiftix u salvataġġ l-Ocean Viking.

Propju lejn l-aħħar ta’ Awwissu, 356 li kienu ġew salvati mill-istess bastiment kienu ddaħħlu Malta permezz ta’ ħidma tal-Forzi Armati ta’ Malta.

Aqra: Filmat u ritratti: L-immigranti tal-Ocean Viking jaslu Malta