Riċetta għat-tfal: Chips tal-ġobon

Chips tal-ġobon

Ingredjenti

4 abjad tal-bajd

1 kuċċarina garlic powder

2 kuċċarini tursin

melħ u bżar

50ġ taħlita ta’ ġobon tal-għażla tiegħek, maħkuk

Metodu

Saħħan il-forn għal 200˚Ċ/400˚F.

B’bieqja ħallat tajjeb flimkien l-abjad tal-bajd, il-garlic powder, it-tursin u l-melħ u l-bżar.

Ferragħ t-taħlita f’muffin tin. Aktar ma titfa’ t-taħlita f’kull post tal-muffin, aktar iċ-chip tkun ħoxna.

Ferrex il-ġobon fil-wiċċ.

Aħmi għal bejn 12-15-il minuta sakemm idub il-ġobon u l-ġnub jieħdu kulur kannella.

Ħallihom jiksħu qabel toħroġhom mill-muffin tin.