Pudina tal-larinġ

Riċetta u ritratti: Tanya Zammit

Ingredjenti

meraq ta’ 4 larinġ

qoxra ta’ larinġa mqattgħa rqiqa

225g zokkor

500g ross Arborio

3 mgħaref cornflour

100ml jogurt plain

2 abjad tal-bajd

kuċċarina kannella

litru u nofs ilma.

Għall-wiċċ

1 larinġa

I mgħarfa zokkor

2 mgħaref ilma

3 mgħaref icing sugar

Metodu

Poġġi l-ilma u z-zokkor u l-qoxra tal-larinġa mqattgħa ġo borma u ħallihom isiru għal 30 minuta.

Żid ir-ross.

Żid il-cornflour mal-meraq tal-larinġ u żidu mat-taħlita tar-ross. Baxxi n-nar u ħallih isir sakemm il-likwidu jinxtorob. Ħawwad minn ħin għall-ieħor u wara ħallih jiksaħ.

Fil-food processor itfa’ l-abjad tal-bajd u agħmlu xkuma, żidu mat- taħlita tar-ross, żid il yogurt u l-kannella.

Ħawwad kollox flimkien.

Idlek reċipient bil-marġerina u ferrex it-taħlita ġo fih.

Aħmi għal 40 minuta ġo forn diġà msaħħan fuq 180˚Ċ.

Għall-wiċċ

Qatta’ larinġa fi slajsis u poġġihom ġo kazzola ma’ 2 mgħaref ilma u mgħarfa zokkor fuq nar baxx għal 5 minuti.

Ferrex l-icing sugar fuq il-pudina kiesħa u żejjen il-wiċċ bi slajsis tal- larinġ.