Preżenza u tmexxija femminili fit-tim ekonomiku ta’ Biden

Joe-Biden

Read in English.

Il-President elett Amerikan Joe Biden innomina l-eks President tal-Federal Reserve Janet Yellen bħala s-segretarju tat-Teżor, fit-tim tal-politika ekonomika ewlenija tiegħu li hu iffurmat minn għadd ta’ nisa biex b’hekk stabbilixxa t-triq għad-diversità u ffoka fuq l-irkupru mill-pandemija.

Il-konsulenti, li bosta minnhom ikunu jeħtieġu li jiġu approvati mis-Senat, ġejjin minn organizzazzjonijiet ta’ riċerka liberali u ħadmu f’amministrazzjonijiet Demokratiċi preċedenti.

L-għan tagħhom se jkun li jistabbilixxu politiki li jistgħu jgħinu lin-nies u lin-negozji jirkupraw mill-pandemija tal-coronavirus, li qatlet kważi 267,000 persuna fl-Istati Uniti u fissret telf ta’ miljuni ta’ impjiegi.

“Dan it-tim jidher bħall-Amerika u jġib serjetà, l-ogħla grad ta’ kompetenza, u twemmin mġedded u bla waqfien fil-wegħda tal-Amerika,” qal Biden fi stqarrija. “Huma se jkunu lesti fl-ewwel jum biex jibdew jaħdmu għall-Amerikani kollha.”

Biden huwa mistenni li jintroduċi formalment il-membri l-ġodda tat-tim ekonomiku t-Tlieta, qal it-tim ta ‘transizzjoni.