Pizza bla ħmira

Ingredjenti għall-wiċċ

400g tadam imqatta’, tal-laned

kuċċarina mixed ħerbs nixfin u ftit aktar għal wiċċ

nofs kuċċarina zokkor

ras ta’ tewma

200g mozzarella, jew ġobon ieħor li tiggosta, imqatta’ biċċiet

bżar u melħ

Ingredjenti għall-għaġina

300g dqiq self-raising

kuċċarina baking powder

nofs kuċċarina melħ

300g jogurt

Metodu

Saħħan il-forn għal 220˚Ċ, Gas 7, u daħħal turtiera tal-forn biex tisħon.

Biex tagħmel it-taħlita tal-wiċċ poġġi t-tadam, il-mixed herbs u z-zokkor f’taġen. Qaxxar u għaffeġ it-tewma u żidha fit-taġen. Saħħan fuq nar bati għal madwar 10 minuta sakemm it-taħlita tinxtorob xi ftit. Neħħi minn fuq in-nar u roxx il-bżar u l–melħ.

Biex tagħmel l-għaġina ħallat id-dqiq, il-baking powder u l-melħ u agħmel ħofra fin-nofs. Itfa’ l-jogurt fil-ħofra u ħallat b’furketta. Meta jkollok għaġina magħquda aħdimha fuq wiċċ ta’ mejda sakemm tiġik magħquda bħal ballun.

Aqsam l-għaġina skont kemm trid tagħmel pizza u rrombla l-biċċiet fit-tond.

Oħroġ it-tray mill-forn b’attenzjoni biex ma tinħaraqx u poġġi l-pizza fuqu. Sajjar fil-forn għal 3-4 minuti sakemm tara li qed jogħlew u oħroġhom mill-forn.

Aqleb il-pizza u agħmel it-taħlita tat-tadam fil-wiċċ, bil-ġobon fuq. Roxx ftit bżar u nitfa mixed herbs fil-wiċċ.

Sajjar għal 5 minuti sakemm tara li l-pizza ssir u l-ġobon jinħall.