Pickles tal-pitravi

Riċetta u ritratt: Tanya Zammit

Ikollok bżonn

500g pitravi

500ml ħall

2 msiemer tal-qronfol

2 weraq randa

10 peppercorns suwed

melħ

Metodu

Poġġi l-pitravi ġo kazzola u iksihom bl-ilma. Żid ftit melħ u għallihom. Baxxi  n-nar u ħallih itektek għal sagħtejn jew sakemm jirtabu l-pitravi.

Neħħi l-pitravi mill-kazzola u ħallihom jibirdu. Wara qaxxarhom u sslajsjahom.

Poġġi pitravi fil-vażetti flimkien mal-imsiemer tal-qronfol, il-weraq tar-rand u  l-peppercorns.

Itfa’ l-ħall f’kazzola b’qiegħ oħxon u għallih għal 3 minuti. Neħħih minn fuq in-nar.

Itfa’ l-ħall ġol-vażetti u iksi l-pitravi. Issiġlla b’għatu li jagħlaq l-arja.

Aħżnu fid-dlam għal 14-il ġurnata qabel ma tużah.

Jibqa’ tajjeb għal sena.

Kif tisterilizza l-fliexken

Għalli l-fliexken f’borma fonda għal 5-10 minuti.

Poġġihom rashom ’l isfel fuq sarvetta u ħallihom jinxfu waħedhom.