Pazjenti li jieħdu l-kimoterapija, għandhom għaliex jibżgħu?

Dr Tanya Melillo, konsulent tal-Mediċina Pubblika fit-Taqsima tal-Mard Infettiv, stqarret li tifhem it-tbatija ta’ dawn il-pazjenti, li diġà qed jaffaċċjaw battalja qalila.

Waqt Newsbook Q&A, Dr Melillo appellat biex filwaqt li jibqgħu jmorru għas-sessjonijiet tal-kimoterapija, joqogħdu attenti minħabba li l-kimoterapija tbaxxilhom iċ-ċelloli bojod, u jkunu aktar dgħajfin. 

X’għandhom jagħmlu l-pazjenti?

  • Imorru fil-ħin preċiż tal-appuntament
  • Żommu d-distanza minn ma’ pazjenti oħra
  • Aħslu jdejkom spiss
  • Jekk għandkom maskra ilbsuha
  • Meta tlestu importanti li jkun hemm xi ħadd jistenniekom u jeħodkom dritt id-dar

X’miżuri qed jieħu l-isptar?

  • Jillimitaw kemm ikun hemm staf
  • Jużaw il-hand hygiene
  • Jilbsu lbies protettiv

Kompliet tispjega li l-pazjenti m’hemmx bżonn jilbsu ingwanti imma ħadd mhu se jwaqqafhom milli jilbsu maskra. L-importanti l-iġjene tal-idejn, meta wieħed jiftaħ il-bieb, jaħsel idejh. “Kull ma tmiss dejjem trid taħsel idejk bis-sapun jew tuża l-hand sanitizers. Importanti li ma tmissx wiċċek”, żiedet tgħid.

Għandek bżonn l-għajnuna? Ara fuq liema numri tista’ ċċempel

  • 111 – Għal dawk li jħossu sintomi tal-COVID-19 jew jixtiequ iktar informazzjoni
  • 21411 411 – Għal dawk fi kwarantina mandatorja li għandhom bżonn provvista ta’ ikel u mediċinali
  • 2294 4511/2294 4504 – Biex tirrapporta lill-pulizija każi ta’ ksur tar-regolamenti dwar saħħa pubblika u l-Covid-19
  • 1772 – Għal dawk li jħossuhom waħedhom
  • 1575 – Għall-ħaddiema biex jistaqsu dwar pagi u kundizzjonijiet ta’ xogħol
  • 1576 – Għal min iħaddem biex jistaqsu dwar pagi u kundizzjonijiet ta’ xogħol
  • 153 – Għal dawk li jridu tagħrif dwar il-miżuri fil-pakkett finanzjarju li qed jiġu amministrati mid-Dipartiment tas-Sigurtà Soċjali
  • 144 – Għal dawk li jridu tagħrif dwar il-miżuri fil-pakkett finanzjarju li qed jiġu amministrati mill-Malta Enterprise
  • 2204 2200 – Għar-residenti Maltin li nqabdu f’pajjiż ieħor u jridu jiġu lura Malta
  • 2598 1000 – Għal dawk li għandhom domandi dwar is-settur edukattiv
  • 2169 2447– Għal lukandiera u turisti li għandhom domandi dwar il-miżuri mħabbra
  • 2590 3030 – Għall-anzjani mingħajr sapport li għandhom bżonn mediċini, ikliet lesti jew prodotti tal-ikel (frott u ħaxix)
  • 2546 9111 – Għal dawk li jaħdmu fl-industrija tal-gaming

Rappurtaġġ addizzjonali: Liz Cutajar

Jekk tixtieq tkun minn tal-ewwel li tirċievi l-aħħar aħbarijiet dwar il-coronavirus f’Malta, niżżel l-APP ta’ Newsbook minn hawn