Read in English.
Minkejja li kien hemm nuqqas fid-dħul tal-Gvern bi €3.6 miljun fit-tielet kwart tal-2019, meta wieħed jikkumpara l-kwart korrispondenti fl-2018, jidher li l-Gvern irrekordja surplus ta’ €57.4 miljun.
Nuqqasijiet fid-dħul ġew irreġistrati fit-taxxi kurrenti fuq dħul, u taxxi fuq il-produzzjoni u l-importazzjonijiet (€29 miljun u €18.7 miljun rispettivament).
L-Uffiċċju għall-Istatistika Nazzjonali (NSO) qal li dan ġie megħlub parzjalment minn żiedet fil-kontribuzzjonijiet soċjali Net, mill-produzzjoni tas-suq, mid-dħul fuq propjetà riċevibbli u mit-trasferimenti kapitali riċevibbli.
L-infiq totali fl-istess tliet xhur taħt reviżjoni ammonta għal €1,158 miljun, żieda ta’ €51.8 miljun fuq it-tliet xhur ta’ qabel fl-2018.
Fl-aħħar ta’ Settembru, id-dejn tal-Gvern kien ta’ €5,614 miljun, li juri żieda ta’ €71.3 miljun fuq it-tliet xhur korrispondenti fl-2018.
