Il-kumpanija Netflix appellat lin-nies biex ma jweġġgħux bl-hekk imsejjaħ Bird Box Challenge.
Din l-‘isfida’ (challenge) ġiet ispirata mill-film ta’ Netflix Bird Box. F’din l-isfida, wieħed jgħatti għajnejh b’xi ħaġa waqt li joqgħod idur barra. Nies bħall-YouTube creator Morgan Adams ippruvaw jagħmlu hekk għal 24 siegħa. Oħrajn ippruvawha għal perjodu iqsar.
Fuq Twitter, Netflix appellat biex in-nies ma jweġġgħux minħabba din l-isfida. Qalet li ma tafx minn fejn bdiet però qalet li ma tridx tara nies li jispiċċaw l-isptar.
Can’t believe I have to say this, but: PLEASE DO NOT HURT YOURSELVES WITH THIS BIRD BOX CHALLENGE. We don’t know how this started, and we appreciate the love, but Boy and Girl have just one wish for 2019 and it is that you not end up in the hospital due to memes.
— Netflix US (@netflix) January 2, 2019
Il-film Bird Box irċieva riżultat ta’ żewġ stilel minn ħamsa mis-sit The Guardian. Ġie deskritt bħala apocalyptic thriller.
