“Muscat irriduċa f’maqjel l-ogħla palazz ta’ Malta” – NGOs

Tliet għaqdiet sostnew li l-Prim Ministru Joseph Muscat “irriduċa l-ogħla palazz ta’ Malta f’maqjel ta’ konfoffa mafjuża u qattiela.”

Dan qaluh Repubblika, Occupy Justice u Manueldelia.com fi stqarrija wara x-xhieda li ta llum Melvin Theuma. Irrimarkaw li din ix-xhieda kompliet tikxef “ix-xibka mafjuża ġewwa Kastilja”. Tennew b’aktar saħħa li Muscat għandu jirreżenja immedjatament.

Intant, qalu li l-Pulizija għandha tinvestiga mingħajr dewmien lil Muscat, Keith Schembri, Kenneth Camilleri, Robert Agius, Adrian Agius, Neville Gafa u Sandro Craus. Irrimarkaw li ħadd ma għandu jkun ‘il fuq mil-liġi.

Talbu wkoll lill-Pulizija sabiex tagħti rendikont tal-investigazzjonijiet li għandhom x’jaqsmu mal-economic crimes unit u li huma relatati direttament max-xibka ta’ kriminalità. Qalu li l-Pulizija għandha tgħid jekk Brian Tonna u Karl Cini tan-Nexia BT humiex qed jiġu investigati f’dan il-każ.

L-għaqdiet stiednu lil kulħadd sabiex nhar il-Ħadd li ġej fl-4pm jingħaqad magħhom għal protesta nazzjonali fil-Belt Valletta.

“Sapport għall-protesti li għaddejjin f’Malta” – EDS

L-Istudenti Demokratiċi Ewropej (EDS) qalu li qed isegwu l-iżviluppi f’Malta fil-każ tal-assassinju tal-ġurnalista Daphne Caruana Galizia. Huma esprimew sapport sħiħ mal-protesti li qed isiru Malta. Huma qalu wkoll li jaqblu mat-tħassib tal-European People’s Party, li riċentament qal li hija xi ħaġa li tqanqal rabja kbira li Muscat ma rreżenjax b’mod immedjat.

European Democrat Students has been following with great concern the developments in the case of the assassination of…

Posted by European Democrat Students on Wednesday, December 4, 2019