Midalja tal-Fidda għat-Tim Nazzjonal Malti tal-Baskitbol

Midalja tal-Fidda storika mirbuħa mit-Tim Nazzjonali Malti tal-Baskitbol tal-irġiel li kien qed jikkompeti fil-FIBA European Championship for Small Countries li saru f’Ġibiltà.
Malta għelbet lill-Iskozja 87-82, lil Wales 93-75 biex spiċċaw fl-ewwel post ta’ Grupp B u għaddew għas-semifinali fejn rebħu lil San Marino 89-68.
Fil-finali huma kienu megħluba minn Andorra bl-iskor minimu ta’ 66-63.
Samuel Deguara rebaħ wkoll il-Fair Play Award, filwaqt li Josh Jackson intagħzel bħala wieħed mit-Tim tat-Turnament.
Samuel Deguara rebaħ ukoll l-MVP Award bħala l-aħjar plejer.
Is-Segretarju Parlamentari għar-Riċerka, l-Innovazzjoni, iż-Żgħażagħ u l-Isport Chris Agius feraħ lill-President tal-MBA Paul Sultana, lill-kowċ tat-tim nazzjonali Paolo Di Fonzo u lit-tim nazzjonali tal-basketball għar-rebħ tal-midalja tal-fidda.
Dan huwa unur triplu għall-basketball f’pajjiżna hekk kif ftit tal-jiem ilu t-tim Nazzjonali tal-ġuvintur ta’ taħt is-16-il sena rebaħ il-midalja tad-deheb filwaqt li dak tat-tfajliet ta’ taħt is-16-il sena rebaħ dik tal-fidda fil-Kampjonati Ewropej tal-FIBA ta’ taħt is-16-il sena.

Ritratti: Tim Nazzjonali Malti tal-Baskitbol u Samuel Deguara rebbieħ tal-Fair Play Award u MVP Award.