McDonald’s u Burger King b’inqas użu ta’ straws

Il-kumpaniji McDonald’s u Burger King issa qed joffru straws biss meta wieħed speċifikament jitlob għal wieħed, skont il-kumpanija.

Fi stqarrija McDonald’s qalet li introduċiet l-iskema Straws on Request fl-istabbilimenti kollha tagħha madwar Malta wara li ntemmet b’suċċess il-prova li saret fil-Belt u fin-Naxxar matul Diċembru li għadda.

Il-kumpanija spjegat li x-xorb normali tagħha mhux se jkun akkumpanjat aktar bi straws. Xarbiet bħall-milkshakes, smoothies, u frappes xorta se jibqgħu jiġu servuti bi straw.

Il-McDonald’s qalet li din l-inizzjattiva hija parti mill-ħidma li qed tagħmel il-kumpanija madwar id-dinja biex ittejjeb is-sostenibbilità tal-materjal tal-ippakkjar biex tilħaq il-mira li 100% tal-materjal ikun ġej minn sorsi renovabli, riċiklati, jew iċċertifikati sal-2025. Il-kumpanija tixtieq tibda tirriċikla 100% tal-materjal tal-ippakkjar madwar id-dinja.

Il-General Manager ta’ McDonald’s f’Malta Paul Dragan qal li l-klijenti tal-kumpanija rreaġixxew b’mod pożittiv għall-inizjattiva.

After a successful trial period in Valletta and Naxxar, McDonald’s is proud to extend the "Straws on Request" to all its restaurants in Malta & Gozo!This action is part of McDonald's global commitment to improve sustainability of its packaging. Find out more at https://www.mcdonalds.com.mt/mcdonalds-introduces-straws-on-request/

Posted by McDonald's on Wednesday, January 9, 2019

F’kampanja simili, il-kumpanija Burger King qalet li se tkun qed toffri straws u atu tal-plastik għax-xorb meta klijent jitlob għalihom hu.

In a drive to protect the environment, Burger King Malta are proud to champion a No Straws Movement across all its…

Posted by Burger King Malta on Monday, January 7, 2019

F’Lulju tal-2018, il-kumpanija KFC qalet li se telimina l-istraws mill-istabbilimenti tagħha.

We are proud to announce that as of today KFC Malta will no longer serve plastic straws. This is being done as part of…

Posted by KFC on Wednesday, July 25, 2018

Studju li ġie ppublikat kien żvela li x’aktarx madwar 8.3 biljun straw qed iniġġsu l-bajjiet madwar id-dinja.