Malta tirbaħ lil Andorra 3-1

Domenic Aquilina

Read in English.

It-tim nazzjonali Malti rebaħ lill-Andorra bl-ikor ta’ 3 b’1. Il-logħba tal-UEFA Nations League ntlagħbet fl-Istadium Nazzjonali f’Ta’ Qali. Din hija s-sitt logħba mingħajr telfa għat-tim nazzjonali Malti.

F’din ir-rebħa, pajjiżna fil-UEFA Nations League jinsab fit-tieni post bi tmien punti, żewġ punti taħt il-Gżejjer Faroe.

Wara biss 3 minuti, Malta marret minn taħt hekk kif Marc Rebes skurja u l-ewwel taqsima ntemmet bl-iskor ta’ 1-0 favur l-Andorra.

Fit-tieni taqsima, it-tim Malti rrisponda b’mod pożittiv, hekk kif fis-56 minuta, Malta ġabet l-iskor indaqs, wara korner mogħti minn Teddy Theuma, bil-plejer ta’ Emili Garcia tefa’ l-ballun fix-xibka tiegħu stess.

Tliet minuti wara, Malta marret fil-vantaġġ permezz ta’ Jurgen Degabriele.

Fl-aħħar minuti tal-logħba, il-plejer Malti Shaun Dimech skurja t-tielet gowl għat-tim nazzjonali Malti.

Reazzjonijiet:

Il-Prim Ministru Robert Abela fuq Twitter awgura lit-tim nazzjonali tal-prestazzjoni kontra l-Andorra.

Anke l-Kap tal-Oppożizzjoni Bernard Grech fi tweet qal li din kienet prestazzjoni mill-aqwa għat-tim nazzjoanli Malti.