Persuna tmut bil-Covid-19 kull 9 sekondi madwar id-dinja

Health workers, community response, Iran, medical supplies, medicines
WHO

Read in English.

‘Il fuq minn 1.5 miljun persuna tilfu ħajjithom minħabba l-COVID-19 fejn il-medja ta’ mwiet f’ġimgħa kienet ta’ waħda kull disa’ sekondi, hekk kif f’Diċembru mistenni jibda’ jitqassam il-vaċċin f’diversi pajjiżi.

Terz tal-imwiet globali seħħew fl-aħħar xahrejn. L-iżjed pajjiż affettwat, l-Istati Uniti, bħalissa qed jikkumbatti t-tielet mewġa ta’ infezzjonijiet ta’ coronavirus.

Il-ġimgħa l-oħra kien hemm medja ta’ iżjed minn 10,000 persuna minn madwar id-dinja li mietet kuljum u l-għadd baqa’ jiżdied b’rata kostanti ma’ kull ġimgħa li qed tgħaddi.

L-Organizzazzjoni Dinjija tas-Saħħa qalet li Covid-19 ikkawżat iżjed imwiet matul din is-sena mit-tuberkulożi fl-2019 u kważi erba’ darbiet iżjed l-għadd ta’ mwiet kawżati mill-malarja.