Illum iż-żewġ kandidati għall-elezzjoni ta’ mexxej tal-Partit Laburista kienu ppjanati li jitkellmu dwar in-negozju f’attività mill-Kamra tal-Kummerċ. Filwaqt li Chris Fearne attenda u wieġeb għall-mistoqsijiet, Robert Abela ma tfaċċax.
X’qal Fearne fis-sessjoni tal-lum?
- “Tlaqt mix-xogħol ta’ kirurgu biex nidħol fil-politika, għal DOPPJU tax-xogħol u NOFS il-paga”
- “Ma kienx hawn serħan il-moħħ, ir-ritmu ekonomiku majna”
- “Qabel konna nafdawkhom, issa m’għadniex,” – Fearne dwar x’jaħseb li jgħidu l-imsieħba Ewropej
- “L-interconnector jissewwa bejn xahrejn u 3 xhur oħra, inxtegħlu turbini li qabel ma kinux qed jintużaw”
- “L-Università u l-MCAST iridu jingħataw spinta”
- “Irrid sistemi li jipprevjenu politiku milli jagħmel ħsara”
Robert Abela ma attendiex
Minuta b’minuta b’dak li qal Fearne:
Is-sessjoni tintemm u n-nies jibdew ħerġin mis-sala. Grazzi talli segwejtuna.
Il-Kamra tal-Kummerċ tispjega li jidher li Abela għażel li jattendi avveniment ieħor minflok l-avveniment tagħha. Abela ngħata l-opportunità jwieġeb sett ta' mistoqsijiet f'forma ta' video. Mill-informazzjoni li għandha l-Kamra dawn il-filmati saru imma s'issa għadha ma rċeviethomx.
Jitħabbar li Robert Abela mhux se jkun preżenti għas-sessjoni li kellha tkun iddedikata lilu
Tintemm is-sessjoni ma' Fearne.
Fearne iwieġeb mistoqsija li saritlu dwar ir-reġistrazzjonijiet tal-kuntratti tal-kirjiet. Jgħid li jaqbel mar-reġistrazzjoni tal-kuntratti u li l-evażjoni tat-taxxa ddejqu.
Fearne: Dan il-pajjiż nixtieq narah ikompli javvanza. Irrid level playing-field u rrid serjetà.
Fearne: Dan il-pajjiż nixtieq narah ikompli javvanza. Irrid level playing-field u rrid serjetà.
Skont Fearne dawn l-aħħar seba’ snin kienu fost l-aqwa seba’ snin li kellu l-pajjiż. Jgħid li dan għaliex kien hemm tmexxija soda. Iżid jgħid li hemm grupp tajjeb biżżejjed biex ikompli jagħmel is-suċċessi.
Fearne ma jweġibx direttament dwar il-kumment li kien għamel imma jgħid li jifhem li issa huwa mument ta’ għaqda nazzjonali u mhux mument ta’ partiġjaniżmu. Żied jgħid li jekk jirbaħ l-elezzjoni ta’ għada se jkun qed imexxi l-PL. Jgħid li kull mexxej ikun irid jara li l-partit tiegħu jirbaħ. Qal ukoll li meta jħares lejn il-PN bħalissa ma jarax li hemm partit li jkun lest imexxi lil Malta. Jgħid li huwa importanti li jkun hemm alternattiva għall-gvern u li jkun hemm oppożizzjoni li dejjem tkun qed issus wara l-gvern tal-ġurnata.
Persuna oħra tistaqsi lil Fearne jiċċara x'qal dwar bidliet li se jagħmel fil-kabinett
Issir mistoqsija lil Fearne dwar il-kummenti li għadda dwar l-RIP PN li għamel waqt diskors fil-kampanja tiegħu.
Skont Fearne s-sostenibilità fil-qasam tal-kura qed titjieb billi aktar servizzi tas-saħħa jinħarġu mill-isptar u titniżżel fil-livell tal-komunitajiet. Jitkellem dwar l-użu tal-intelliġenza artifiċjali fil-qasam tas-saħħa. Jgħid li f'April se joħroġ proġett pilota għat-tfal li għandhom id-dijabete. It-teknoloġija se tkun qed issegwihom 24 siegħa kuljum.
Fearne jgħid li jrid sistemi li lanqas iħallu politiku jindaħal fil-ġudikatura
Fearne jgħid li jifhem li l-qasma tal-MEPA kienet waħda importanti. Iżid jgħid li kien hemm xi tibdil li mar aktar ‘il bogħod milli kellu jmur. Jgħid li hemm biżżejjed liġijiet u regolamenti biex l-affarijiet jimxu sew. Jisħaq li m’hawnx biżżejjed infurzar.
Fearne: Il-cowboys idejquni. Għandha bżonn iżjed dixxiplina u serjetà.
Fearne: Il-cowboys idejquni. Għandha bżonn iżjed dixxiplina u serjetà.
Issirlu mistoqsija dwar l-Awtorità tal-Ippjanar peress li jingħad li hemm ħafna nies frustrati bil-bidliet li saru. Issirlu mistoqsija dwar il-popolazzjoni Maltija li qed tikber fl-età minħabba l-pensjonijiet u s-saħħa. Issir mistoqsija wkoll dwar ir-rispett lejn il-liġijiet u dwar x'se jsir kontra n-nies li ħadmu fl-interess personali tagħhom.
Fearne jemmen li konnettività aħjar lejn Għawdex hija tajba wkoll għall-ekonomija ta’ Malta. Jgħid li billi se ssir il-mina ma jfissirx li x-xogħol fuq affarijiet oħra se jieqaf. Jemmen li xi darba għad ikun hawn bżonn sistema ta’ transport tal-massa imma li din trid tkun sostenibbli.
Persuna ssaqsi lil Fearne dwar in-nuqqas ta' ħeġġa fuq it-trasport tal-massa f'Malta meta mqabbel mal-ħeġġa li hemm fuq il-bini tal-mina bejn Malta u Għawdex.
Il-moderatur jistieden lin-nies preżenti jagħmlu l-mistoqsijiet tagħhom.
Isemmi l-infrastruttura. Jgħid li qabel il-bini ta' pont kienu jieħu tmien snin. Qal li reċentament kien imsiefer għal ħmistax u meta ġie lura sab flyover.
Jitkellem dwar il-kirjiet. Jgħid li fl-2020 hemm nies isibuha diffiċli li jħallsu l-kera. Iżid jgħid li hemm min huwa fil-periklu li jispiċċa jorqod fit-triq.
Fearne jgħid li jifhem li hemm tħassib dwar it-telf tal-correspondent banks f’Malta. Jgħid li dan it-tħassib huwa reali. Jgħid li hemm diskussjonijiet fi stadju avvanzat ma' żewġ banek. Iżid jgħid li għalissa ma jistax jiżvela dettalji.
Fearne jgħid li Malta għandha tkompli tiddiversifika f’oqsma differenti. Jemmen li fil-futur in-negozji Maltin għandhom jibdew jespandu lejn barra minn Malta.
Fearne ma jemminx li l-manifattura mietet f’Malta. Jemmen li għandha post qawwi fl-ekonomija.
Fearne: Irridu niżguraw li jkun hawn biżżejjed nies biex jagħmlu x-xogħol li jrid isir. Qal li dan irid isir mingħajr ma jiddaħħlu nies li Malta ma tkunx trid.
Fearne issa jiġi mistoqsi dwar il-kompetittività. Jgħid li aktar ma wieħed ikollu student qed jigradaw, aktar tikber l-ekonomija. Jgħid li important li l-Università ta’ Malta u l-MCAST jingħataw spinta. Jgħid li dawn m'humiex istituzzjonijiet li m'għandhomx track record.
Fearne: Ghall-futur irridu ninvestu f’mezzi alternattivi biex ikollna l-enerġija u nibżgħu għall-ambjent.
Il-mistoqsija li jmiss hija dwar is-settur tal-enerġija. Fearne jgħid li jidher li l-interconnector jaf jissewwa bejn xahrejn u tliet xhur oħra. Jgħid li nxtgħelu turbini li qabel ma kienux qed jintużaw.
Fearne jgħid li ħafna msieħba ta’ Malta madwar l-Ewropa tilfu l-fiduċja tagħhom f’Malta. Jgħid li ma jistax ikellemhom iwiegħed l-affarijiet għax jgħidulu li dawn xebgħu jisimgħuhom. “Qabel konna nafdawkhom, issa m’għadniex,” qal Fearne dwar x’jaħseb li jgħidu dawn l-imsieħba.
Isemmi il-Kummissjoni Venezja li tat parir lil Malta biex taqsam l-Uffiċċju tal-Avukat Ġenerali. Jgħid li minn nhar it-Tnejn jibda diskussjoni mal-Oppożizzjoni u mas-soċjetà ċivili dwar is-saltna tad-dritt.
Skont Fearne, in-nies ikunu qed jidħku b’xulxin jekk ma jgħarfux li fl-aħħar xhur ir-ritmu ekonomiku majna. Ma kienx hawn serħan tal-moħħ dwar x’se jiġri. Jgħid li ħadd m’huwa ‘l fuq mil-liġi u li l-istituzzjonijiet iridu jkunu indipendenti.
Jgħid li jrid jara li jkun hemm sistemi li jipprevjenu politiku li jrid jagħmel il-ħsara milli jkun jista’ jagħmel dan.
Jgħid li jrid jara li jkun hemm sistemi li jipprevjenu politiku li jrid jagħmel il-ħsara milli jkun jista’ jagħmel dan.
L-ewwel mistoqsija għal Fearne hija dwar kif se jsewwi r-reputazzjoni ta’ Malta fid-dawl tal-kriżi politika. Jgħid li telaq mix-xogħol ta’ kirurgu biex jidħol fil-politika għal doppju tax-xogħol u nofs il-paga. Jemmen li Malta għandha potenzjal li tkun pajjiż ġawhra. Jgħid li s-settur privat huwa importanti. Għandu jkun settur vibranti u f’pożizzjoni li jieħu r-riskji.
Jasal Chris Fearne u jitla' fuq il-palk
Is-sala tibda timtela bil-mod il-mod. L-avveniment mistenni jibda fl-10.00am.
L-attività ġiet organizzata mill-Kamra Maltija għall-Kummerċ (MCCEI) fil-Belt Valletta.
Skont delegat tal-PL, Robert Abela huwa kariżmatiku u għandu ħiliet tal-oratorija straordinarji, filwaqt li d-Deputat Prim Ministru Chris Fearne għandu strateġija aħjar fuq il-midja soċjali, u b’hekk hu ċar li hu r-rebbieħ mit-tnejn f’dan ir-rigward. Dan kien kliem delegat tal-Partit Laburista li tkellem ma’ Newsbook.com.mt bil-kundizzjoni li jinżamm anonimu.
