Jibdew jitħabbru l-finalisti:
- Greċja – Katerine Duska – Better Love
- Belarussja – ZENA – Like It
- Serbja – Nevene Božović – Kruna
- Ċipru – Tamta – Replay
- Estonia – Victor Crone – Storm
- Czech Republic – Lake Malawi – Friend Of A Friend
- Australia – Kate Miller-Heidke – Zero Gravity
- Iceland – Hatari – Hatrið mun sigra
- San Marino – Serhat – Say Na Na Na
- Slovenia – Zala Kralj & Gašper Šantl – Sebi
It-televoting għalaq. Sakemm jitħabbru l-10 finalisi minn din is-serata, Netta Barzilai terġa titla’ fuq il-palk fejn tħabbar li nhar is-Sibt 18 ta’ Mejju se tkun qed terġa’ tagħmel dehra oħra, meta se narawha tinterpreta l-kanzunetta ġdida tagħha Nana Banana.
Issir ukoll l-introduzzjoni tal-kantanti ta’ Spanja, Franza u l-Iżrael, li posthom huwa garantit fil-finali tas-Sibt.
Roksana Wegiel, rebbieħa tal-aħħar edizzjoni tal-Junior Eurovision għall-Polonja, tagħmel dehra żgħira fejn titkellem dwar l-esperjenza tagħha fil-konkors tal-Eurovision taż-żgħar.
Sakemm għaddej it-televoting, brijju fis-sala hekk kif Dana international, rebbieħa tal-1998 twassal il-verżjoni tagħha ta’ Just The Way You Are ta’ Bruno Mars.
Is-17-il kanzunetta lesta. Il-ġuriji vvutaw il-bieraħ u issa jmiss lit-telespettaturi tal-pajjiżi parteċipanti biex jivvutaw, Il-preżentaturi fetħu t-televoting.
Il-kantant Tork Serhat jirritorna fil-Eurovision għal darb’oħra għal San Marino bil-kanzunetta Say Na Na Na. Għalkemm illum għandu numru ta’ fans isegwuh mill-Eurovision, il-parteċipazzjoni tiegħu f’din l-edizzjoni diffiċċli biex twassal lil San Marino sal-finali.
Katherina Diska għall-Greċja bil-kanzunetta Better Love, waħda mill-kanzunetta li possibbilment imissu mal-finali
Conan Osiris għall-Portugall bil-kanzunetta Telemóveis, li tfisser mobile phone, silta oħra dubjuża li tinżel tajjeb mal-fans.
Victor Crone għall-Estonja bil-kanzunetta Storm, silta li żgur hi pjaċevoli li tisma u faċilment tkun waħda mill-10 li llejla jgħaddu għas-semi finali tas-Sibt.
L-Iżlanda b’kanzunetta Techno mwassla minn Hatari. Is-silta Hatrið mun sigra tfisser Hatred will Prevail, u ċertament silta li mhux se tinżel wisq tajjeb ma’ ħafna fans tal-Eurovision.
Zero Gravity għall-Awstralja inerpretata minn Kate Miller-Heidke. Kemm ilhom li daħlu fil-Eurovision Song Contest, l-Awstraljani daħlu biex jimpressjonaw, u din is-sena xejn inqas b’din il-wirja stupenda li wasslu.
Oto Nemsadze għall-Ġorġja bil-kanzunetta Keep on Going, silta li mhux neċessarjament tintlaqa’ tajjeb minn kulħadd.
Wieħed mill-iżgħar parteċipanti f’din l-edizzjoni, Eliot għall-Belġju bil-kanzunetta Wake Up, wirja li kapaċi tiġbed is-simpatija ta’ ħafna.
Nevene Božović li f’pajjiżha s-Serbja kisbet suċċess wara li kklassifikat fit-tieni post fil-kompetizzjoni The Voice hi weħidha fuq il-palk hekk kif b’vuċi qawwija tinterpreta l-kanzunetta Kruna.
Zena għall-Belarussja bil-kanzunetta Like It.
Għall-Ungerija Joci Papai bil-kanzunetta Az Én Apám, li għalkemm tidher li ntlaqgħet tajjeb, iġġegħelk tiddubita kemm hi tassew b’saħħitha biex twassal sal-finali ta’ nhar is-Sibt li ġej.
Ritratt: Andres PuttingGħar-Repubblika Ċeka, Lake Malawi b’kanzunetta li donnha qed tintlaqa’ tajjeb mill-udjenza preżenti. Madanakollu, jidher ukoll li Friend of A Friend hi waħda mill-kanzunetti fejn l-ispettaklu magħha huma l-kuluri u l-effetti bl-iskrins fuq il-palk.
Duo żagħżugħ għas-Slovenja li wassal is-silta Sebi, pjuttost sempliċi u li bla dubju tinħass differenti minn dak li nstema’ s’issa.
Tulia għall-Polonja twassal Fire of Love. Ħoss pjuttost differenti minn kanzunetti tradizzjonali fil-Eurovision. Kanzunetta li bla ma trid iġġielek tismagħha, u tidħol ukoll f’moħħok u tirrepti magħha.
Ritratt: Thomas Hanses
Darude feat. Sebastian Rejman bil-kanzunetta Look Away hija t-tielet kanzunetta tas-serata għall-Finlandja. Effetti fuq il-palk u lirika ripetitiva li bla dubju tidħol f’moħħ l-udjenza.
D Mol għal Montenegro Ritratt Thomas Hanses. Huma ġew deskritti bħala l-ekwivalent ta’ S Club 7.
Kull kanzunetta għandha introduzzjoni permezz ta’ kartolina li nħadmet f’Tel Aviv. L-ewwel semifinali fetħitha Tamta għal Ċipru bil-kanzunetta Replay. Pjuttost kanzunetta differenti minn dik li ġiet ippreżentata s-sena l-oħra minn Ċipru, Fuego li kisbitilhom it-tieni post.
Erez Tal, Bar Refaeli, Assi Azar u Lucy Ayoub huma l-erbgħa preżentaturi ta’ din l-edizzjoni. Din hija l-ewwel darba fi żmien 20 sena li l-Iżrael qed jorganzizza l-Eurovision Song Contest meta dik is-sena tellgħuh f’Ġerusalemme wara li Dana International rebħet l-edizzjoni tal-1998 bil-kanzunetta Diva.
DARE TO DREAM – Din hija t-tema tal-64 edizzjoni tal-Eurovision Song Contest li qed tittella’ f’dan il-ħin fl-Expo Tel Aviv.
Kif mistenni, l-kantanta Netta, rebbieħa tal-aħħar edizzjoni tal-Eurovision Song Contest fetħet is-serata b’arranġament ġdid tal-kanzunetta rebbieħa Toy.
Minn hawn u ftit ieħor jibda l-46 edizzjoni tal-Eurovision. Song Contest. L-arena ta’ Expo Tel Aviv fl-Iżrael, qed timtela’ b’dawk li se jkunu qed isegwu direttament din l-ewwel semi finali fejn 17-il-pajjiż se jkun qiegħed jieħu sehem. 10 minnhom se jgħaddu għall-finali ta’ nhar is-Sibt 18 ta’ Mejju.
