“Lesti għal kwalunkwe ‘rigal tal-Milied’ mingħand il-Korea ta’ Fuq” – Trump

FILE PHOTO: U.S. President Donald Trump and North Korea's leader Kim Jong Un shake hands after signing documents during a summit at the Capella Hotel on the resort island of Sentosa, Singapore, June 12, 2018. REUTERS/Jonathan Ernst/File Photo

Il-President Amerikan Donald Trump qal li l-Istati Uniti lesti jilqgħu kwalunkwe ‘rigal tal-Milied’ li jogħġobha tibagħtilhom il-Korea ta’ Fuq. Dan wara li l-Korea wissiet b”rigal tal-Milied’ li beħsiebha tibgħat, li l-Amerikani qed jaħsbu li hu xi test ta’ missila.

Trump irreaġixxa biċ-ċajt u qal li forsi hu xi rigal sabiħ, bħal xi vażun.

It-twissija tal-Korea ta’ Fuq ġiet fil-bidu ta’ dan ix-xahar wara li l-mexxej Kim Jong Un ta lill-Istati Uniti sal-aħħar tas-sena ċans biex jipproponu konċessjonijiet ġodda fid-diskussjonijiet fuq it-tensjonijiet nukleari bejn iż-żewġ avversarji.

Il-Korea ta’ Fuq akkużat lill-Istati Uniti li qed jippruvaw iġebbdu d-diskussjonijiet fuq id-denuklearizzazzjoni qabel ma Trump jerġa’ jipprova jiġi elett is-sena d-dieħla. Qalet li f’idejn l-Istati Uniti x’rigal tagħżel li tirċievi mingħandha.