L-NHS twissi biex il-vaċċin ma jingħatax lil min ibati minn allerġiji serji

Read in English.

Ir-regolatur tal-mediċina tar-Renju Unit avża li persuni bi storja ta’ allerġiji sinifikanti m’ għandhomx jingħataw il-vaċċin ta’ Pfizer u BioNTech wara li żewġ persuni rrappurtaw reazzjonijiet relattivament avversi fl-ewwel jiem tal-programm ta’ tilqim nhar l-Erbgħa.

L-awtoritajiet tas-saħħa kienu qed jirreferu għall-allerġiji li jkunu jeħtieġu trattament serju, bħal allerġiji għall-karawett u prodotti simili.

Dan wassal biex ir-regolatur tal-mediċini tal-Unjoni Ewropea se juża l-infromazzjoni mir-Renju Unit u pajjiżi oħra barra l-UE dwar is-sigurtà tal-vaċċin COVID-19 immanifatturat minn Pfizer-BioNTech qabel ma jiddeċiedi jekk japprovahx.

Mistoqsija jekk din l-informazzjoni l-ġdida tistax tintuża fil-valutazzjoni tal-vaċċin fl-Ewropa, l-Aġenzija Ewropea għall-Mediċini qalet: “L-informazzjoni kollha disponibbli dwar il-kwalità, is-sigurtà u l-effiċjenza tal-vaċċin se tkun ikkunsidrata. Din se tinkludi infromazzjoni ta’ sigurtà ġġenerata mill-użu tal-vaċċin barra l-UE.