L-isport kollu fl-Italja ġie sospiż sat-3 ta’ April

FILE PHOTO: Italian Prime Minister Giuseppe Conte holds a news conference at the end of the European Union leaders summit dominated by Brexit, in Brussels, Belgium October 18, 2019. REUTERS/Piroschka van de Wouw/File Photo

L-isport kollu fl-Italja ġie sospiż sat-3 ta’ April minħabba l-coronavirus. Dan ħabbru l-prim ministru Taljan Giuseppe Conte.

Dan jinkludi wkoll il-logħob tas-Serie A, iżda mhux se jitwaqqfu t-timijiet li jilgħabu fil-kompetizzjonijiet internazzjonali. Ftit tal-jiem ilu kien ġie deċiż li l-logħob tas-Serie A kellhom jintlagħbu wara bibien magħluqa sat-3 ta’ April.

Conte estenda numru ta’ miżuri kontra t-tixrid tal-coronavirus, fosthom, ħadd mhu se jitħalla jiltaqa’ fi gruppi kbar.

L-Italja hija l-aktar pajjiż li ntlaqat b’mod ħażin mill-coronavirus fl-Ewropa s’issa. S’issa kienu kkonfermati aktar minn 9,000 każ u kien hemm madwar 450 każ ta’ mewt.