Kustilji tal-majjal bil-faqqiegħ

Ingredjenti

4 kustilji tal-majjal

bżar u melħ

2 rjus tat-tewm, mgħaffġin

1 basla, mqattgħa

230g faqqiegħ frisk, slajsjat

1 bott soppa tal-faqqiegħ

Metodu

Roxx il-kustilji bil-bżar u l-melħ.

F’taġen kbir aqli ħafif il-kustilji.

Wara żid il-basal, it-tewm u l-faqqiegħ u sajjar għal minuta. Ferragħ fuq kollox is-soppa tal-faqqiegħ. Għatti t-taġen u sajjar fuq nar moderat għal 20-30 minuta sakemm tara li l-laħam ikun sar sewwa.

Jekk waqt is-sajran tara li jkun hemm bżonn ftit aktar ilma, żid ftit u ħawwad kollox.