Kuntistabbli jibda l-jum tax-xogħol billi jgħin lil persuna li ħassha ħażin

pulizija
Miguela Xuereb

Kuntistabbli beda l-jum tiegħu b’dfferenza dalgħodu meta ra persuna li taha ħass ħażin fit-triq u waqaf biex jgħinha.

Il-Korp tal-Pulizija xerred messaġġ fuq Facebook li rċieva mingħand persuna tirringrazzja lil Kuntistabbli 916 tal-għajnuna tiegħu.

Kien għall-ħabta tas-6am li kien hemm persuna li taha ħass ħażin fit-triq għax niżlilha l-livell taz-zokkor. L-uffiċjal tal-pulizija waqaf biex jgħin meta kien fi triqtu għax-xogħol fl-għassa taż-Żejtun.

Il-persuna rringrazzjatu għax għalkemm kien għadu ma marx jirrapporta għax-xogħol, baqa’ mal-familja sakemm il-persuna li ħassha ħażin ġiet f’sikkitha.

Well Done PC 916 S. Veneziani – Zejtun District Police 👮

Posted by The Malta Police Force on Saturday, December 5, 2020