Kejk tas-sultana fil-microwave

Ingredjenti

100g butir

200g dqiq plain

1 kuċċarina baking powder

85g zokkor ismar

100g sultana

2 bajdiet kbar imħabbta

2 mgħaref halib

Metodu

Idlek bl-butir dixx tajjeb għall-microwave.

Ħawwad f’bieqja l-butir mad-dqiq u l-baking powder. Wara żid iz-zokkor u s-sultana.

Żid bil-mod il-bajd u l-ħalib biex ikollok taħlita ftit immerrqa.

Ferragħ t-taħlita fid-dixx u agħmel ħofra fit-taħlita bil-wara ta’ mgħarfa. Għatti d-dixx bil-cling film, tgħaqqab il-wiċċ b’mgħarfa u sajjar f’temperatura għolja fil-microwave għal 5 minuti sakemm it-taħlita togħla tajjeb u tkun iebsa fil-wiċċ meta tmissha.

Oħroġ il-kejk rasu ’l isfel fuq platt u, jekk trid, meta sservi, agħmel il-custard fil-wiċċ.