Joseph Calleja għandu jum iddedikat lilu fi Florida

It-tenur Malti Joseph Calleja ngħata l-muftieħ għall-belt Napli fi Florida, u uffiċjalment għandu jum iddedikat għalih f’din il-belt, il-21 ta’ Marzu.

F’ritratt li xerred fuq il-paġna tiegħu fuq Facebook, tidher ittra li Joseph Calleja ngħata mill-belt Napli fi Florida, iffirmata mis-Sindku tal-belt, Bill Barnett. F’din l-ittra, hemm lista tas-suċċessi tat-tenur li beda jkanta f’kor tal-Knisja ta’ 16-il sena, u minn hemm, baqa’ dejjem jikseb iżjed suċċess.

So this happened yesterday in Naples Florida. I was given the “key” to the city and the 21st of March was officially declared as “Joseph Calleja” day!

Posted by Joseph Calleja on Friday, March 22, 2019

Mijiet ta’ ammiraturi Maltin u barranin ikkummentaw u awguraw lit-tenur ta’ dan il-ġieħ li ngħata fl-Istati Uniti.