Jitwasslu l-ewwel rigali tal-Milied għat-tfal fir-Rainbow Ward

Rennie u ANgele minn Puttinu Cares b'uħud mir-rigali li twasslu fir-Rainbow Ward

Fl-aħħar ġranet bdew jaslu l-ewwel rigali tal-Milied għat-tfal kollha rikoverati fir-Rainbow Ward. Dan kien possibbli grazzi għall-BOV wara ħidma minn Maxine Aquilina u Angie Amato minn Jays of Sunshine.

Puttinu Cares irringrazzjaw lil Maxine u lil Angie talli kienu ta’ għajnuna għat-tfal kollha rikoverati fix-xhur tal-pandemija.

First Christmas presents started to arrive for the children at Rainbow ward. Oh what a Christmas!!! Thank you Maxine…

Posted by Puttinu Cares on Tuesday, December 1, 2020

Jays of Sunshine twaqqfet fl-2018 minn Maxine Aquilina (ta’ Malta’s Got Talent) u Angie Amato wara li huma tilfu lill-ommijiet tagħhom, Jackie u Josette, minħabba fil-kanċer. L-għan ta’ Jays of Sunshine huwa li jwettaq il-ħolm ta’ tfal u adoloxxenti li jkunu rikoverati fir-Rainbow Ward. Dan minbarra l-ħin twil li jqattgħu jilagħbu mal-pazjenti.

Jays of Sunshine: Maxine Aquilina u Angie Amato

Għal aktar informazzjoni jew biex tinvolvi ruħek b’xi mod, tista’ tikkuntattja lil Jays of Sunshine fuq info@jaysofsunshine.com.