Jinstab qabar puniku f’żona għall-iżvilupp fiż-Żejtun

qabar puniku Żejtun
Superintendenza għall-Wirt Kulturali

Read in English.

Qabar puniku, li kien fih ukoll skeletru u xi fuħħar, ġie skopert fiż-Żejtun f’żona fejn kien mistenni li jsir xi żvilupp.

Permezz ta’ post fuq Facebook, is-Superintendenza għall-Wirt Kulturali spjegat li s-sejba saret il-ġimgħa li għaddiet mill-Heritage Data Management and Research Unit.

L-art li kienet ippjanata għall-iżvilupp tinsab viċin ħafna ta’ oqbra oħrajn li nstabu aktar kmieni fi Triq tal-Barrani. Fil-qabar kien hemm xaft maqtugħ fil-blat u qabar li kien issiġillat b’ċangatura. Fil-qabar instab skeletru flimkien ma’ xi fuħħar.

Is-Superintendenza spjegat li fil-ġimgħat li ġejjin, osteoloġisti se jkunu qed jistudjaw l-iskeletru biex jaraw jekk dan hux ta’ mara jew raġel, l-età tal-persuna meta mietet u jekk il-mewt kienx ikkawżat minn xi marda, fost l-oħrajn. Intant, arkeoloġisiti se jkunu qed jistudjaw il-fuħħar biex jaslu għal ħjiel aktar ċar ta’ meta saret id-difna.

Il-qabar kien dokumentat u se jkun qed jiġi protett permezz tal-Att dwar il-Wirt Kulturali tal-2019. Hu se jkun qed jitniżżel fl-Inventorju Nazzjonali biex ikompli jżid mal-informazzjoni li tista’ twassal biex wieħed jifhem il-pajsaġġ arkeoloġiku taż-żona.

𝐃𝐢𝐬𝐜𝐨𝐯𝐞𝐫𝐲 𝐨𝐟 𝐚 𝐭𝐨𝐦𝐛 𝐢𝐧 Ż𝐞𝐣𝐭𝐮𝐧Last week the Heritage Data Management and Research Unit within the Superintendence…

Posted by Superintendence of Cultural Heritage on Tuesday, November 17, 2020