“Jalla jkollna aktar snin flimkien” – Josette lil Dino

Ġurnata speċjali għall-attriċi Josette Mazzonello li tinterpreta l-karattru ta’ Bernice fis-sensiela Division 7. Illum hija u żewġha Dino qed jiċċelebraw il-31 anniversarju mindu qalu signor si lil xulxin.

“J’Alla jkollna aktar snin flimkien. Għalkemm tul dan il-vjaġġ kien hemm ħafna intoppi nirringrazzja lil Mulej li dejjem irnexxielna ngħelbuhom,” huwa l-messaġġ li Josette permezz ta’ newsbook.com.mt għaddiet lil żewġha proprju għal din l-okkażjoni.

Hi żiedet ukoll il-kelma “ti amo” – “inħobbok” bil-lingwa ta’ żewġha Dino.

Il-koppja kienu ltaqgħu l-Belt, fi Strada Rjali meta kienu jaraw lil xulxin jippassiġġjaw. Wara għamlu madwar sena u tmien xhur għarajjes sakemm waslu għal jum biex Josette Vella u Dino Mazzonello wegħdu mħabbithom lil xulxin.

Il-koppja għandhom tifel, Davide.

Apparti f’Division 7 lil Josette konna narawha wkoll fuq it-televiżjoni f’Santa Monika, Undercover, Il-Ġardinar u l-Fjuri kif ukoll ABC.

Josette Mozzanello

Nawguraw lil Josette u Dino l-isbaħ xewqat f’dan il-jum u għal aktar snin ta’ mħabba.