It-truppi Franċiżi se jibqgħu fis-Sirja

FILE PHOTO: French Defence Minister Florence Parly visits Euronaval, the world naval defence exhibition in Le Bourget near Paris, France, October 23, 2018. REUTERS/Benoit Tessier/File Photo

Uffiċjali Franċiżi sostnew li għalissa, it-truppi militari Franċiżi se jibqgħu fis-Sirja ta’ Fuq minħabba li militanti tal-hekk imsejjaħ ‘Stat Iżlamiku’ għadhom ma’ sparixxewx għal kollox.

L-istess uffiċjali esprimew is-sorpriża tagħhom dwar id-deċiżjoni tal-President tal-Istati Uniti, Donald Trump, li joħroġ l-2,000 suldat Amerikan mir-reġjun. Iktar kmieni, Trump kien qal li t-truppi Amerikani rnexxielhom, darba għal dejjem, ineħħu l-militanti Iżlamiċi mir-reġjun. Bħala risposta, il-Ministru għad-Difiża Franċiża Florence Parly rrispondiet lil Trump fuq Twitter tgħid li avolja l-grupp ta’ militanti naqsu b’madwar 90%, il-battalja għadha ma spiċċatx għal kollox. Mistoqsi dwar il-konfużjoni, Diplomatiku Franċiż qal li issa draw it-taħwid tal-amministrazzjoni ta’ Trump. Żied jgħid li wieħed irid janaliżża d-dettalji u l-problemi li jkun hemm.