It-tim Ingliż b’aktar kunfidenza fil-grawnd mis-snin li għaddew

Gareth Southgate stqarr li t-tim Ingliż qiegħed ferma aħjar minn meta kien qed jikkompeti waqt il-logħob ta’ kwalifika għat-Tazza tad-Dinja tal-2018. It-tim ta’ Southgate spiċċa fir-raba’ post fil-finali fir-Russja u b’hekk se jmorru għall-Euro 2020 fis-sajf li ġej bħala wieħed mill-aħjar timijiet.

Southgate spjega kif it-tim jemmen u hu kunfidenti. Hu qal li għandhom kunfidenza biżżejjed biex jikkontrollaw il-logħob bil-pussess tal-ballun u jafu li jistgħu jiskurjaw il-gowls.

Ir-rebħa tat-tim Ingliż kontra Kosova nhar il-Ħadd kompliet żieded mal-prestazzjoni tajba li ta’ t-tim s’issa. B’hekk spiċċaw l-ewwel fi Grupp A u rebħu seba’ minn tmien logħbiet.

Lura għall-kwalifikazzjoni għat-tazza tad-dinja tal-2018, it-tim Ingliż kien ukoll spiċċa fuq quddiem fil-grupp. Iżda din is-sena saru progressi kbar meta wieħed jinnota l-ammont ta’ gowls li skurjaw. B’kollox għamlu 37 gowl fi tmien logħbiet din is-sena. Fil-kwalifikazzjoni għat-Tazza tad-Dinja li għaddiet, kien irnexxielhom jiskurjaw 18-il gowl  f’10 logħbiet.

Riżultati:

Grupp A

Bulgaria 1-0 Czech Republic

Kosovo 0-4 England

Grupp B

Serboa 2-2 Ukraine

Luxembourg 0-2 Portugal

Grupp H

Albania 0-2 France

Andorra 0-2 Turkey

Moldova 1-2 Iceland