Isdra tat-tiġieġ biz-zalza tal-faqqiegħ

isdra tat-tigieg u faqqig]

Ingredjenti għat-tiġieġ

2 isdra tat-tiġieġ, b’kollox 600-700g, bla ġilda

nofs kuċċarina melħ

nitfa bżar

50g dqiq

15g butir

Ingredjenti għaz-zalza

30g butir

300g faqqiegħ isslajsjati

2 rjus tat-tewm, misħuqa

120g brodu tat-tiġieġa, tad-dadi

tazza krema tal-ħalib

60g ġobon Parmiġġjan

Metodu

Aqsam kull sider tat-tiġieġa orizzontali biex ikollok 4 biċċiet.

Roxx fuqhom id-dqiq, il-bżar u l-melħ. Ferrrx b’subgħajk biex jitgħattew tajjeb.

Dewweb il-butir f’taġen u aqli l-biċċiet tat-tiġieġ fuq nar moderat għal 3 minuti fuq kull naħa sakemm jieħdu kulur kannella u jkunu saru tajjeb. Neħħi mit-taġen u ħalli f’ġenb.

Fl-istess taġen żid il-butir għaz-zalza u aqli l-faqqiegħ. Aqli sakemm jibdew isiru kannella, madwar 4 minuti. Żid it-tewm, ftit bżar u melħ, u sajjar sakemm il-faqqiegħ u t-tewm isiru kulur kannella.

Ferragħ l-brodu tat-tiġieġ u saħħan fuq nar qawwi. Żid il-krema u kompli saħħan fuq nar bati sakemm jinxtorob bosta minnhom  u tara li t-taħlita għaqdet ftit, madwar 2 minuti. Żid il-ġobon Parmiġġjan u ħawwad tajjeb.

Itfa’ t-tiġieġ fiz-zalza tal-faqqiegħ u saħħan sakemm it-tiġieġ jisħon.

Servimal-patata maxx jew mar-ross.