Riħ qawwi li jista’ jilħaq forza 7 jista’ jħarbat is-servizz tal-Gozo Channel nhar il-Ħadd u nhar it-Tnejn, skont is-sit meteoroloġiku maltaweather.com.
Is-sit għamel previżjoni – b’fiduċja ta’ madwar 75% – li se jkun hemm riħ forza 7 mill-punent majjistru għal-lbiċ matul il-jumejn li ġejjin.
Filwaqt li l-MetOffice fl-Ajruport Internazzjonali ta’ Malta ukoll qed jistenna riħ qawwi, il-previżjonijiet tiegħu huma ftit aktar konservattivi: skont is-sit, ir-riħ mistenni jilħaq Forza 6 fil-jiem li ġejjin.
Is-servizz tal-Gozo Channel kien jiġi mħarbat aktar ta’ sikwit minħabba riħ qawwi fl-imgħoddi, għalkemm is-sitwazzjoni tjiebet meta ġew imtejba l-portijiet tal-Imġarr u taċ-Ċirkewwa. Minkejja dan, riħ qawwi – partikolarment minn ċertu direzzjonijiet – xorta jista’ jwassal għal interruzzjoni tas-servizz f’ċertu ċirkostanzi.
